Քրիստոսի Սուրբ Խաչափայտի մասունքը՝ Նոյեմբերյանում

Քրիստոսի Սուրբ Խաչափայտի մասունքը՝ Նոյեմբերյանում

Ամեն տարի սեպտեմբերին Սուրբ Էջմիածնից Քրիստոսի Սուրբ Խաչափայտի մասունքը տեղափոխվում է Տավուշի մարզի Բերդի տարածաշրջանում գտնվող Նոր Վարագա վանք: 4-Արդեն 14-րդ տարի է, որ այդ ավանդույթը գոյություն ունի, 3-րդ տարին է, որ Սուրբ Խաչափայտի մասունքը Տավուշի մարզում տարվում է բնակավայրեր, ներկայացվում հավատացյալ հանրությանը:
Սեպտեմբերի 30-ին Նոյեմբերյան քաղաքի կենտրոնական՝ հայ-հունական բարեկամության զբոսայգին բազմամարդ էր, այնտեղ էին հավաքվել հավատացյալներ Նոյեմբերյան քաղաքից եւ սահմանամերձ տարածաշրջանի բնակավայրերից: Սուրբ Խաչափայտի մասունքը Նոյեմբերյան էր բերվել Հայ առաքելական եկեղեցու Տավուշի թեմի առաջնորդ Գերաշնորհ Տեր Բագրատ եպիսկոպոս Գալստանյանի օրհնությամբ, նրա եւ հոգեւորականների ուղեկցությամբ:

Բագրատ Սրբազանն ասաց, որ Սուրբ Խաչափայտի մասունքը սեպտեմբերի 30-ին ներկայացվել է Դիլիջանում, Իջեւանում, Տավուշի մարզի այլ բնակավայրերում: Նոյեմբերյանի քաղաքային զբոսայգում հավաքված բազում հավատացյալները հավատով եւ ջերմեռանդությամբ համբուրեցին սուրբ մասունքը:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք