ՀՀ Կառավարության «Մաքուր Հայաստան» ծրագրի շրջանակներում սանիտարական մաքրման և բարեկարգման աշխատանքներ են իրականացվել Կոտայքի, Արարատի և Արագածոտնի մարզերի հուշարձանների տարածքներում։
ՊՄՊ Կոտայքի մարզային ծառայությունը, համագործակցելով ՏԻ մարմինների և մի շարք կրթօջախների հետ, սանիտարական մաքրման աշխատանքներ է իրականացրել մարզի 9 հուշարձանների՝ մասնավորապես. «Հուշարձան նվիրված Հաճընի 1920թ. ինքնապաշտպանությանը», «Չարենցի կամար», «Վերածնունդ», «Պողոս-Պետրոս» եկեղեցական համալիր, «Եկեղեցի Սբ. Հովհաննես» հուշարձանների և Արցախյան պատերազմի զոհվածների գերեզմանոցի տարածքներում։ Մաքրման ու բարեկարգման աշխատանքներին մասնակցել են մարզային ծառայության պետն ու աշխատակիցները։
Շաբաթօրյակին սանմաքրման և բարեկարգման աշխատանքներ են իրականացվել նաև Արարատի մարզի հուշարձանների տարածքներում։ Մարզային ծառայության աշխատակիցների ջանքերով մաքրվել են «Քաղաքատեղի Դվին» հանրապետական նշանակության հուշարձանն ու հարակից տարածքը, Արտաշատ, Արարատ, Վեդի քաղաքների և հինգ համայնքների ԵԱԶ հուշարձանների տարածքները:
Հնավայր Դվինի տարածք են այցելել ՀՀ տարածքային կառավարման և զարգացման նախարար Դավիթ Լոքյանը, ՀՀ Արարատի մարզպետ Արամայիս Գրիգորյանը, մարզպետի տեղակալները, մարզպետարանի աշխատակիցներ և շատ այլ քաղաքացիներ: Արարատի ԵԱԶ հուշարձանի տարածքում սանմաքրման և բարեկարգման աշխատանքներից բացի իրականացվել է նաև ծառատունկ, որին մասնակցել են համայնքի ղեկավար Հայկ Հայկյանը, քաղաքապետարանի աշխատակիցներ, հանրակրթական դպրոցների աշակերտներ:
Արագածոտնի մարզային ծառայության նախաձեռնությամբ նույնպես համապետական շաբաթօրյակին մաքրվել են մի շարք հուշարձանների տարածքները՝ Կարմրավոր, Սուրբ Աստվածածին եկեղեցիների, «Կաթողիկե» եկեղեցական համալիրի և այլն։ Սանիտարական մաքրման և բարեկարգման աշխատանքներին մասնակցել են մարզային ծառայության աշխատակիցներ, յոթ տասնյակից ավելի դպրոցականներ:
ՀՀ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ
«ՊԱՏՄԱՄՇԱԿՈՒԹԱՅԻՆ ԱՐԳԵԼՈՑ-ԹԱՆԳԱՐԱՆՆԵՐԻ ԵՎ
ՊԱՏՄԱԿԱՆ ՄԻՋԱՎԱՅՐԻ ՊԱՀՊԱՆՈՒԹՅԱՆ ԾԱՌԱՅՈՒԹՅՈՒՆ»
ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ
