«Հայաստանը շատ փոքր երկիր է, որպեսզի Միացյալ Նահանգների հասարակական կարծիքը ձեւավորող հիմնական լրատվամիջոցներին լրջորեն հետաքրքրի։ Հոկտեմբերի 27-ի դեպքերի մասին ամերիկյան մամուլի մեկնաբանությունները պրոֆեսիոնալիզմից շատ հեռու են, աբսուրդի հասնող եւ ոչնչով չհիմնավորված եզրակացություններ են հայտնվում»,- սա ՀՀ առաջին նախագահ Լեւոն Տեր-Պետրոսյանի մամուլի քարտուղար Լեւոն Զուրաբյանի կարծիքն է։
Իսկ մենք էլ անվերապահորեն ամերիկյան մամուլի գովքն ենք անում եւ մեղադրում մեր լրատվամիջոցներին արհեստավարժ չլինելու մեջ։
ՀԻՆ ԳՈՐԾԵՐ՝ ՆՈՐ ԱՍՏԱՌՈՎ
Կարդացեք նաև
Անցած շաբաթ Մարտունի քաղաքում կալանավորվել են երկու նախկին ազատամարտիկներ։ Պաշտոնական վարկածով՝ նրանք մեղադրվում են 1994-ին նույն քաղաքի գործադիր իշխանության ղեկավարին ծեծելու մեջ։ Ոչ պաշտոնական տեղեկություններով, այդ երկուսը «Երկրապահի» տեղական կազմակերպության գործիչներ են եւ նրանց դեմ ձեռնարկված միջոցները «Երկրապահի» դեմ իշխանական հալածանքների շրջանակում են։
ԲԼԵՅԱՆԻ ՄԱՍԻՆ ՀԵՏԱՔՐՔՐՎԵԼ ԵՆ ՍՏՐԱՍԲՈՒՐԳԻՑ
ԱԺ արտաքին հարաբերությունների հանձնաժողովին Եվրախորհրդից հարցում է արվել, որով խնդրում են մանրամասներ հայտնել Աշոտ Բլեյանի գործի վերաբերյալ։ Փաստաթղթում այս անհրաժեշտությունը պատճառաբանված է նրանով, որ այս գործի վերաբերյալ Եվրախորհրդին են դիմել մի շարք կազմակերպություններ՝ այդ թվում նաեւ միջազգային։
ԼՂՀ ԱԺ ԸՆՏՐՈՒԹՅՈՒՆՆԵՐԻՆ ԸՆԴԱՌԱՋ
Ըստ որոշ տեղեկությունների, մոտ ժամանակներս անցկացվելու է «Միացյալ Հայաստան» կուսակցության հիմնադիր համագումարը, որը գլխավորելու է Սամվել Բաբայանը։
