ԿԱՆԳՆԵՑՐԵ՛Ք ԸՆՏՐՈՒԹՅՈՒՆՆԵՐԸ Նախագահի թեկնածու առաջադրված Րաֆֆի Հովհաննիսյանի ներկայացուցիչները, խոստացվածի պես, դիմեցին Քաղաքացիական գործերով վերաքննիչ դատարան՝ բողոքարկելով Կենտրոն եւ Նորք-Մարաշ համայնքների 1-ին ատյանի դատարանի վճիռը: Քանի որ պրն Հովհաննիսյանի ներկայացուցիչներն արհեստավարժներ են, կարծում եմ, նրանց բանիմացությունը կհերիքի դատարանին նաեւ միջնորդություն ներկայացնել հայցի ապահովման միջոց կիրառելու մասին: Դատարանը պիտի արգելի ԿԸՀ-ին՝ գրանցել նախագահի թեկնածուներ եւ սկսել պաշտոնական քարոզարշավ, քանի դեռ դատական ատյաններում հանգուցալուծում չի ստացել Րաֆֆի Հովհաննիսյանի հայցը՝ իր քաղաքացիությունը 1991-ից ճանաչելու վերաբերյալ: Մեկ շաբաթից, իր հաստատած ժամանակացույցի համաձայն՝ ԿԸՀ-ն պիտի ձեռնարկի այդ գործողությունները, իսկ Րաֆֆի Հովհաննիսյանի հայցը դեռ պիտի քննվի վերաքննիչո՜ւմ, գուցե նաեւ ՍԴ-ո՜ւմ: Իհարկե, Հայաստանն Անգլիա չէ, որ դատարաններն առաջնորդվեն նախադեպերով, բայց, կարծում եմ, Քաղաքացիական գործերով դատարանի անդամները չեն մոռացել, որ մեկ այլ քաղգործով՝ «Նոյյան Տապանն» ընդդեմ Հեռուստատեսության եւ ռադիոյի ազգային հանձնաժողովի, դատավորը բավարարել է հայցի ապահովման համանման միջնորդություն: Եվ հոկտեմբերի 15-ին հայտարարված կապուղիների մրցույթը չի կայանում մինչ այժմ: Դե, այժմ էլ կանգնեցրեք նախագահական ընտրությունները: Կասեք, թե անհարկի՞ է նախագահական ընտրությունները կապուղիների մրցույթի հետ համեմատելը: Այդ համեմատությունը մեզնից առաջ՝ դեռ 2002-ի ապրիլին, արել է նախագահ Ռոբերտ Քոչարյանը: Հիշո՞ւմ եք՝ նա օդանավակայանում արտահայտվեց այս ոգով, որ եթե առաջնորդվենք այն տրամաբանությամբ, թե կայացած հեռուստաընկերությունը մրցույթով չպիտի իր արտոնագիրը վերանվաճի՝ ինքն էլ կարող է ասել, թե կայացած նախագահ է եւ առանց ընտրությունների պիտի շարունակի պաշտոնավարել հաջորդ 5 տարում: Ա. Ի. Հ. Գ. Այլ հարց է, որ պաշտոնական քարոզչությունն այժմ հենց այդ ոգով էլ ընթանում է, թե Քոչարյանը կայացած նախագահ է, ուստի8230…