«Խոսույթի հետ կապված հարցնեմ՝ բա ձե՞րն ինչի մասին է։ Դուք իրենց հետ թելված չլինեիք, մենք էլ դրա մասին չխոսեինք։ Այնտեղից հանձնարարականը տալիս են։ Փաշազադեն էլի ակտիվացել է, Աստված չանի՝ էլի մի վատ բան կլսենք»,- լրագրողների փաստմանը՝ Նիկոլ Փաշինյանն ասում է՝ եթե ընդդիմության խոսույթից հանենք Էրդողան, Ալիև, Ադրբեջան բառերը, տակը քաղաքական խոսք ու խոսույթ չի մնում, մամուլի ասուլիսի ժամանակ այսպես արձագանքեց «Ուժեղ Հայաստան» խմբակցության պատգամավոր Դավիթ Ղազինյանը։
Վստահեցրեց՝ իշխանությունն է ստիպում, որ իրենք այդպիսի խոսույթ են օգտագործում․ «Մենք առանձնապես ցանկություն չունենք այդ մարդկանց ազգանունները կամ Ադրբեջան բառն օգտագործել։ Իրենք թող չթելվեն հետները, նրանց կամակատարը չդառնան, խոստանում եմ՝ կյանքում չտամ ոչ Ադրբեջան, ոչ Ալիև, ոչ էլ մնացածի անունը»։
Դավիթ Ղազինյանը հոսանքի սակագնի թանկացման ռիսկ է տեսնում․ «Եթե նախընտրական որևէ խնդիր չլինի, եթե խիզախություն ունենան, գնան նոր ընտրությունների, այս տարի էլ չեն թանկացնի հոսանքի սակագինը, եթե հանրաքվեի, ընտրության խնդիր չեղավ, հաստատ հոսանքի սակագինը կթանկացնեն»։
Կարդացեք նաև
Դավիթ Ղազինյանի ասուլիսն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
