![\"\"](\"https://www.aravot.am/2007/aravot_arm/December/12/p1.jpg\")
Շիրակի մարզի առաջին ատյանի դատարանի դատավճռով բացարձակ ցինիզմով կատարված խուլիգանության համար 1,5 տարվա ազատազրկման է դատապարտվել Գյումրիի քաղաքապետի որդին՝ Սպարտակ Ղուկասյանը: Նա այս տարվա մայիսին Գյումրիի Տերյան եւ Ղուկասյան փողոցների խաչմերուկում փոխհրաձգության մասնակիցներից է: Թմրանյութի օգտագործման հոդվածով, նույն գործի շրջանակներում 1,5 տարվա ազատազրկման է դատապարտվել քաղաքապետի եղբորորդին՝ Կոլյա Ղուկասյանը: Քաղաքապետի կլանի «ապոկանների» ներկայացուցիչ՝ Շիրակի մարզպետարանի քաղաքաշինության բաժնի նախկին պետ Արտաշես Սարգսյանի որդին՝ Ռուստամը, դատապարտվել էր 1,5 տարվա ազատազրկման: Ռուստամի ընկերոջը՝ Թելման Կարապետյանին բաժին է հասել 5 տարվա ազատազրկում, իսկ Ղուկասյանների «ախպերությանը»՝ Գագիկ Սոլոյանին՝ 4,5 տարվա, իսկ եղբորը՝ Նորոյին՝ 1 տարվա ազատազրկման դատապարտեցին: Հիշեցնենք, որ փոխհրաձգության ժամանակ անհետացել, ապա մահացած է գտնվել 12-ամյա Ռոբերտ Սիմոնյանը:
