![\"\"](\"https://www.aravot.am/2009/aravot_arm/April/14/p2.jpg\")
Մեծ Բրիտանիայի Էյլսբերի քաղաքի կենդանիների հոսպիտալի բժիշկները օգնության խնդրանքով դիմել են ոչ ավանդական բժշկության մասնագետներին, երբ իրենց բոլոր ջանքերը՝ փրկել փշեր չունեցող ոզնուն, անցել են ապարդյուն, հայտնում է The Daily Telegraph-ը: Ոզնուն գտել եւ հոսպիտալ են բերել 2008թ. օգոստոսին: Այստեղ նրան տեսքի համար կնքել են «Կարտոֆիլ» մականունով: Բժիշկները նրան չեն կարող բաց թողնել, քանի որ առանց փշերի նա անպաշտպան է, բացի այդ, զրկված լինելով փշածածկույթից, նա կարող է չդիմանալ ձմռան ցրտին:
Բժիշկներին անհայտ պատճառներով «Կարտոֆիլի» մաշկը անընդհատ չորանում է եւ նրանք ստիպված են նրան ամեն օր խոնավացնող մերսում կատարել՝ նորածինների համար նախատեսված լոսյոնով: Բժիշկներն առայժմ չգիտեն փշերի թափվելու պատճառը, նաեւ հնարավոր են համարում, որ ոզնին այդպես ծնված լինի: Ինչպես հայտարարել է հոսպիտալի տնօրենը, բուժանձնակազմը շատ է կապվել անսովոր հիվանդի հետ, սակայն ավելի լավ կլիներ, որպեսզի կենդանուն կարողանային բուժել եւ վերադարձնել բնություն:
