ԱՄՆ-ը պատրաստ է հետեւողական աջակցություն ցուցաբերել Հայաստանին ինչպես հայ-թուրքական հարաբերությունների կարգավորման, այնպես էլ ղարաբաղյան հակամարտության կարգավորման հարցում: Այդ մասին ասվում է ՀՀ նախագահ Սերժ Սարգսյանին ուղղված ԱՄՆ պետքարտուղար Հիլարի Քլինթոնի նամակում: Քլինթոնը հաստատել է ԱՄՆ պատրաստակամությունն աջակցություն ցուցաբերել ինչպես հայ-թուրքական հարաբերությունների կարգավորման, այնպես էլ ԵԱՀԿ ՄԽ շրջանակներում անցկացվող միջնորդական աշխատանքներում: Նա նաեւ անդրադարձել է հայ-ամերիկյան երկկողմանի հարաբերություններին եւ «Հազարամյակի մարտահրավերներ» կորպորացիայի ֆինանսական միջոցներով Հայաստանում իրականացվող ծրագրերին: Քլինթոնն ընդգծել է, որ Երեւանի ավագանու առաջիկա ընտրությունների ազատ եւ թափանցիկ անցկացումը նորովի կարտահայտի Հայաստանի՝ ժողովրդավարական սկզբունքներին հակված լինելը:
