![\"\"](\"https://www.aravot.am/2009/aravot_arm/June/20/p20.jpg\")
Ռուսաստանի արտաքին հետախուզության ծառայությունը գաղտնազերծել է «գեստապո»-ում ծառայող խորհրդային գործակալ Վիլլի Լեմանին վերաբերող արխիվային նյութերը:
Հունիսի 22-ին՝ Հիշատակի եւ սգո օրը, այդ նյութերը փոխանցվելու են Տեոդոր Գլադկովին, որն աշխատում է լրտեսի մասին գրքի վրա: Ըստ հետախուզության ծառայության ղեկավար Սերգեյ Իվանովի, 1941 թվականի առաջին կեսի ընթացքում Լեմանը բազմիցս հաղորդել է խորհրդային հետախույզներին տեղեկություններ այն մասին, որ ֆաշիստական Գերմանիան պատրաստվում է հարձակվել Խորհրդային Միության վրա: 41-ի հունիսի 19-ին նա իր բեռլինյան գործակալներին հայտնեց պատերազմը սկսելու հստակ ամսաթիվը եւ ժամը: Լեմանը հավաքագրվել է խորհրդային հետախուզության կողմից 1929 թվականին, 33-ին դարձել է նացիստական կուսակցության անդամ, իսկ մեկ տարի անց համալրել է «էս-էս»-ի շարքերը: Գերմանական արդյունաբերական ձեռնարկություններում նա ղեկավարում էր հակահետախուզությունը եւ ԽՍՀՄ էր ուղարկում տեղեկություններ հակառակորդի նոր զինտեխնիկայի մասին: 1942-ին Լեմանին ձերբակալել ու գնդակահարել են:
