![\"\"](\"https://www.aravot.am/2009/aravot_arm/September/29/p17.jpg\")
Չինաստանում երեկ մեկնարկեց շախմատի կանանց «Grand Prix»-ի երկրորդ մրցաշարը, որին մասնակցող աշխարհի 12 ուժեղագույնների մեջ է նաեւ մեր հանրապետության ներկայացուցիչ Լիլիթ Մկրտչյանը: Նանկին քաղաքում նրա մրցակիցներն են Չժաո Սյուեն (Չինաստան), Նանա Ձագնիձեն (Վրաստան), Մարի Սբագը (Ֆրանսիա), Չժու Չենը (Քաթար), Սյույ Յույհուանը (Չինաստան), Շեն Յանը (Չինաստան), Ցզյույ Վանցզյունը (Չինաստան), Բաթույագ Մոնգոլթոուլը (Մոնղոլիա), Բաիրա Կովանովան (Ռուսաստան), Մարթա Ֆյերոն (Էկվադոր), Բեթյուլ Իլդիզը (Թուրքիա):
Կանանց այս մրցաշարին զուգահեռ, Չինաստանում մեկնարկել է նաեւ տղամարդկանց «Մեծ սաղավարտի» խաղարկության նոր փուլը, որին մասնակցում են ժամանակակից շախմատի վեց առաջատար գրոսմայստերներ: Առաջին տուրում Նորվեգիայի ներկայացուցիչ Մագնուս Կարլսենը պարտության մատնեց Պետեր Լեկոյին (Հունգարիա), իսկ Վեսելին Տոպալով (Բուլղարիա)- Դմիտրի Յակովենկո (Ռուսաստան), Վան Յուե (Չինաստան)- Թեյմուր Ռաջաբով (Ադրբեջան) պարտիաներում մրցակիցները բաժանեցին միավորը:
Այսօր երկրորդ տուրում Կարլսենը խաղում է Տոպալովի, Յակովենկոն՝ Վան Յուեի, Լեկոն՝ Ռաջաբովի հետ: