Ժպիտի համաշխարհային օրը տոնում են հոկտեմբերի առաջին ուրբաթ օրը։ Այս հիանալի տոնի համար աշխարհը պարտական է նկարիչ Հարվի Բոլին։
20-րդ դարի կեսերին նա բնակվում էր Ամերիկայում։ Բոլը հնարել է այն, ինչ այժմ ինտերնետի օգտատերերը կոչում են «սմայլիկ»՝ ժպտացող դեղին կլորիկ դեմք։ Բոլը ստեղծել է «սմայլիկը»՝ 1963թ.։ Պատվիրատուները ընդունել են աշխատանքը, վճարել Բոլին ընդամենը 50 դոլար։ Բոլը, որ իրեն ինքնակոչել է երջանկության միջազգային դեսպան եւ հիմնադրել «Ժպիտների համաշխարհային ձեռնարկությունը», առաջարկել է Ժպիտի օրը տոնել հոկտեմբեր ամսվա առաջին ուրբաթ օրը, երբ գալիք հանգստյան օրերը, հիրավի, պարուրում են լավ տրամադրության նախազգացումով։