Ազգությամբ ֆին երգչուհի Մարիա Կիրիզյանը (Վուտիլայնեն) ներկայացրել է իր «Little red riding hood» երգը՝ «Եվրատեսիլ-2010» երգի մրցույթի հայաստանյան ընտրական փուլին մասնակցելու նպատակով: Նա փետրվարի 14-ին Երեւանի Ալ. Սպենդիարյանի անվան օպերայի եվ բալետի պետական թատրոնում մասնակցելու է մրցույթի եզրափակիչ փուլին: Ի դեպ, առաջին անգամ է, որ «Եվրատեսիլին» Հայաստանը ներկայացնելու հնարավորություն է ընձեռվում այլազգի արվեստագետի: Ըստ www.esctoday.com կայքի, մասնակիցների պաշտոնական ցուցակը կներկայացվի փետրվարի 10-ին:
