Տիգրան Պետրոսյանի անվան շախմատիստի տանն ավարտվեցին շախմատի Հայաստանի տղամարդկանց 70-րդ եւ կանանց 65-րդ առաջնությունները:
Տղաների պայքարում վաստակելով 7,5 միավոր՝ Հայաստանի 2009թ. չեմպիոն դարձավ երիտասարդ գրոսմայստեր Ավետիք Գրիգորյանը, իսկ աղջիկների մեջ 6,0 միավորով հավասարը չունեցավ Անահիտ Խառատյանը:
Նորընծա չեմպիոններին հանձնվեցին նաեւ դրամական խոշոր պարգեւներ:
Ինչպես առաջնության մեկնարկից առաջ տեղեկացրել էին շախմատի ֆեդերացիայում, այս երկու շախմատիստները 2010 թվականի մրցաշրջանում լրացնելու են մեր տղամարդկանց եւ կանանց ազգային հավաքականների մեկական թափուր տեղերը: