Քրիստոնյաների բազմաթիվ բողոքներից հետո “Penny-Markt” սուպերմարքեթների ցանցը վաճառքից հանել է երկրում կայանալիք դիմակահանդեսային «Ֆաշինգ» տոնի համար կարված կոստյումները, որոնք պատկերում են վանական՝ խաչով եւ միանձնուհի՝ գուլպաների կապիչներով: Այդ մասին հայտնում է կաթոլիկ լուրերի գերմանական կայքէջը:
Ստանալով տասնյակ գրավոր բողոքներ այն մասին, որ նման հագուստները վիրավորում են հավատացյալների կրոնական զգացմունքները, խայտառակում եւ արհամարհանք են առաջացնում կաթոլիկ վանականների հանդեպ, առեւտրական կազմակերպությունը ներողություն է խնդրել նամակների հեղինակներից եւ հավաստիացրել նրանց, որ կուղղի իր սխալը:
Գերմանիայում կան “Penny-Markt” ցանցի 2000-ից ավելի սուպերմարքեթներ, որոնց պատկանում են “Rewe Group” խանութները: