Թուրքիայի ռազմական դպրոցում արդեն 10 տարի հայերեն է դասավանդվում:
Ինչպես տեղեկացնում է akunq կայքը, Թուրքիայի Ցամաքային ռազմական դպրոցի հրամանատար, գեներալ-լեյտենանտ Քենան Հյուսնյուօղլուն հայտնել է, որ դպրոցում պարտադիր դասընթացներից բացի, ուսուցանվում են նաեւ 12 օտար լեզուներ: Հյուսնյուօղլուն հայտնել է նաեւ, որ այս 12 լեզուների մեջ է մտնում նաեւ հայերենը: «Որպես երկրորդ օտար լեզու, դասավանդվող լեզուների շարքում ընդգրկված են նաեւ արաբերենն ու չինարենը: Արդեն 10 տարի դասավանդվում է նաեւ հայոց լեզու: Մինչ օրս մեր սաներից հայերեն է սովորել 120 հոգի: Ներկայումս հայոց լեզվի դասընթացներին մասնակցում է 4 ուսանող: Այս տարի սկսել ենք նաեւ դասավանդել իտալերեն եւ իսպաներեն»,- ասել է գեներալ-լեյտենանտ Քենան Հյուսնյուօղլուն:
