Երեկ մեկնարկել է «Երեխայի առողջությունն առաջնային է» քարոզարշավը, որի կազմակերպիչները կոչ են անում պետական մարմիններին՝ առողջապահության ոլորտին հատկացվող գումարներն ավելացնել, մշակելով եւ կիրառելով նոր մեխանիզմներ: Այն նախաձեռնել են «Վորլդ Վիժն Հայաստան» միջազգային բարեգործական կազմակերպությունն ու առողջապահության նախարարությունը: Ակցիան նպատակ ունի նաեւ հանրապետության բոլոր մարզերը ապահովել որակյալ մասնագետներով: Միջոցառմանը ներկա էին ԱԺ առողջապահության, մայրության ու մանկության հարցերի մշտական հանձնաժողովի նախագահ Արա Բաբլոյանը, «Վորլդ Վիժն» հայաստանյան գրասենյակի տնօրեն Իբրահամ Սթրոնգը:
