Խոսքի ազատության պաշտպանության կոմիտեի նախագահ Աշոտ Մելիքյանն ասուլիսում անդրադարձավ լրատվական դաշտի բևեռվածությանը և դրան նպաստող ֆինանսական գործոններին: Նրա ձևակերպմամբ՝ մեդիադաշտ եկող խոշոր ֆինանսական հոսքերը հիմնականում քաղաքական փողեր են և հետապնդում են համապատասխան քաղաքական նպատակներ:
Նա նշեց, որ այդ բևեռացումը մեղմելու նպատակով իշխանությունները ձեռնարկել են որոշակի քայլեր: Մասնավորապես, օգոստոսին կառավարությունը հավանություն է տվել Հարկային օրենսգրքում փոփոխությունների փաթեթի, որի համաձայն՝ քաղաքացիներին հնարավորություն է տրվելու իրենց եկամտահարկից հատկացումներ ուղղել երեք հիմնական ուղղությամբ՝ լրատվամիջոցներին, կուսակցություններին և հասարակական կազմակերպություններին։
ԽԱՊԿ նախագահն այս նախաձեռնությունը դրական է գնահատում այն առումով, որ այն ստեղծում է լրացուցիչ ֆինանսական աղբյուր, միևնույն ժամանակ էլ փաստում է՝ լիարժեք երաշխիք չկա, քանի որ քաղաքական ուժերը կարող են ուղղորդել իրենց ընտրազանգվածին այդ գումարներն ուղղել բացառապես այն լրատվամիջոցներին, որոնք սպասարկում են իրենց շահերը։
Մանրամասն՝ տեսանյութում
Կարդացեք նաև
Ասուլիսն ամբողջությամբ
Գոհար ՀԱԿՈԲՅԱՆ
