«Այն, ինչ տեղի է ունենում, խորհրդարանական ընտրությունների տրամաբանական շարունակությունն է։ Իշխանությունները վախենալով կորցնել իրենց դիրքերը տեղական ընտրությունների ժամանակ՝ գնում են իրենց հին մեթոդներով՝ կալանավորելով, ձերբակալելով, և ամենավատն այն է, որ միանգամից տրվում են իրավական գնահատականներ ՔՊ-ի ներկայացուցիչների կողմից։ Այսինքն՝ դեռ չկա որևէ վճիռ, եզրակացություն, իրավական վերջնական փաստ, բայց իրենք դա որակում են որպես ընտրակաշառք։ Սա ոչ այլ ինչ է, քան քաղաքական հետապնդում»,- Ստեփանավանում լրագրողների հետ ճեպազրույցում կարծիք հայտնեց «Ուժեղ Հայաստան» խմբակցության պատգամավոր Հայկ Ֆարմանյանը։
Հարցին՝ որպես տնտեսագետ ինչպե՞ս կգնահատեք գազի գնի հնարավոր թանկացման ռիսկերը, Հայկ Ֆարմանյանը պատասխանեց․ «Գազի գնի թանկացման հետ կապված կան հստակ հաշվարկներ․ շուրջ 3 անգամ առևտրաշրջանառությունը նվազելու կանխատեսումներ կան, ՀՆԱ-ի հետ կապված ևս։ Այնպես որ, իշխանությունները լավ վիճակում չեն․ հստակ երկընտրանքի առաջ են կանգնած իրենց պատճառով։ ՀՆԱ-ի 15 տոկոս անկում, 15 տոկոս գնաճ, արտաքին առևտրի ծավալների՝ արտահանման, ներմուծման անկում։ Ամենագլխավորը՝ ՀՀ-ն գտնվում է ազատ մաքսային ռեժիմում, և դրա վերանայումը նշանակում է, որ ներկրվող ապրանքները, որոնք շուրջ 5 միլիարդ դոլար են, ավտոմատ թանկանալու են մինչև 20 տոկոսով»։
«Ուժեղ Հայաստան» խմբակցության պատգամավորների ճեպազրույցները Ստեփանավանից ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
