![\"\"](\"https://www.aravot.am/2010/aravot_arm/June/1/p1.jpg\")
Գերմանիայի նախագահ Հորստ Քյոլերը մայիսի 31-ին հայտարարել է, որ հրաժարական է տալիս՝ կապված քննադատությունների բուռն ալիքի հետ, որն առաջացրել էին գերմանական զինված ուժերի՝ բունդեսվերի աֆղանական առաքելության եւ այլ օտարերկրյա գործողությունների վերաբերյալ իր արտահայտությունները: Այս մասին հայտնում է «tert.am»-ը: Շատերը Քյոլերի բառերը գնահատել էին որպես «հրետանավակների դիվանագիտության» վերադառնալու պահանջ, երբ արտաքին քաղաքականությունը հենվում էր ռազմական ուժի ցուցադրման վրա: Deutschland?funk ռադիոկայանին տված հարցազրույցում Քյոլերը, մասնավորապես, ասել էր. «Իմ կարծիքով, մեր նման խոշոր երկիրը, որը կախված է արտահանումից, պետք է գիտակցի, որ արտակարգ իրավիճակներում ռազմական միջամտությունն անհրաժեշտ է մեր շահերը պաշտպանելու համար»: Սա առաջին դեպքն է, երբ այդ պետության նախագահը կամովին հրաժարական է տալիս:
