«Մենք ընկել ենք միջազգային իրավունքի երկու նորմերի՝ անճշտության եւ հակասության ծուղակը»,- երեկ ՄԱԱ-ում պատասխանելով հարցին՝ ազգերի ինքնորոշմա՞ն սկզբունքն է ավելի կարեւոր, թե՞ տարածքային ամբողջականության, ասել է ՀՀ-ում Լեհաստանի արտակարգ եւ լիազոր դեսպան Զդիսլավ Ռաչինսկին՝ հավելելով. «Հայկական կողմը եւս բողոքարկում է որոշ որոշումներ՝ նշելով Ղարաբաղի տեղական ինքնակառավարման, խորհրդարանի որոշումները մինչեւ Խորհրդային Միության փլուզումը, բայց մյուս կողմից՝ լռում է փաստի մասին, որ ավելի ուշ ձեռք բերված համաձայնություններում, օրինակ՝ Ալմա-Աթայի հռչակագրում, պետությունն ընդունել է Հայաստանի տարածքային ամբողջականության սկզբունքը։ Այսինքն՝ այդ հակասությունները կան՝ ինչպես իրավական, այնպես էլ քարտեզագրական»։ Անդրադառնալով 2216 բանաձեւին էլ՝ ասել է, որ դա ընդհանրացված նախագիծ է, որը վերաբերում է «Ադրբեջանի, Հայաստանի եւ Ղարաբաղում բնակվող Հայաստանի քաղաքացիներին»:
