Ֆրանսիայի ոստիկանությունը Միջերկրական ծովի մերձափնյա շրջանում ձերբակալել է հայտնի մի հանցավոր խմբի անդամներին: Գործողությանը մասնակցել է ոստիկանության 150 աշխատակից, որոնց հաջողվել է ձերբակալել ավելի քան 20 մարդու, որոնք կասկածվում են փողերի լվացման, խաղային ավտոմատների հետ կապված մեքենայությունների մեջ: Ձերբակալության պահին հանցավոր խմբավորման անդամների մի մասն իրենց ընտանիքների հետ գտնվել են 27 մետրանոց շքեղ զբոսանավի վրա: Ձերբակալվածների թվում է եղել Բերնար Բարրեզին, որը 1994թ.-ից գտնվել է փախուստի մեջ եւ զրահապատ միկրոավտոբուսի վրա կատարած զինված հարձակման մեղադրանքով հեռակա կարգով դատապարտվել է 20 տարվա ազատազրկման: