Արարատի նորանշանակ մարզպետ Էդիկ Բարսեղյանը մարզպետարանում կադրային ջարդ է սկսել: Նա աշխատանքից ազատում է մարզպետարանի այն աշխատակիցներին, որոնք նախկին մարզպետի՝ Վարդգես Հովակիմյանի «բերած» մարդիկ են եղել: Այս մասին հաղորդում է news.am-ը՝ վկայակոչելով մարզպետարանի իր աղբյուրները: Ըստ այդմ, նոր մարզպետը պաշտոնն ստանձնելուց հետո աշխատանքից ազատել է միանգամից մի քանի հոգու՝ մարզպետարանի հողաշինարար Վարդան Այվազյանին, քարտուղարության բաժնում առաջին կարգի մասնագետ Վարուժան Նիկալայանին, մարզպետի խորհրդական Սամվել Պողոսյանին, ֆինանսական վարչության պետ Ղեւոնդ Բարիկյանին, որոնք բոլորն էլ քաղծառայողներ են: Աշխատանքից ազատվել են նաեւ Հովակիմյանի քարտուղարուհի Նանա Հովհաննիսյանն ու մարզպետի վարորդ Ռաֆիկ Ալեքսանյանը: Մարզպետարանում ստուգումներ ու վերահսկողություն է իրականացվում նաեւ այն աշխատակիցների նկատմամբ, ովքեր աշխատանքի բերումով առնչվել են մարզի ֆինանսական ու բյուջետային հարցերին:
