Ֆրանսիացի նախարար Էրիկ Բեսոնը, որը Ֆրանսիայում փարաջան արգելելու առաջարկի հեղինակն է, ամուսնանում է մուսուլման կնոջ հետ։ Այս մասին տեղեկանում ենք tert.am—ից: Ներգաղթյալների հարցերով նախարարը հայտարարել է Յասմին Տորջմանի հետ ամուսնանալու իր մտադրության մասին։
52–ամյա քաղաքական գործչի ամուսնությունը 23–ամյա մուսուլման կնոջ հետ մեծ աղմուկ է բարձրացրել Ֆրանսիայում։ Բեսոնը, որը երեք երեխաների հայր է, անցած տարի ամուսնալուծվել էր 49–ամյա Սիլվիա Բրունելից, որպեսզի բնակվի իր ընտրյալի՝ Փարիզի արվեստների դպրոցի երիտասարդ ուսանողուհու հետ։ Բեսոնն ասել է, որ մտադիր չէ իսլամ ընդունել, թեեւ շատ է հարգում այդ կրոնը։
