Հոկտեմբերի 1-ին Գարեգին Նժդեհի հրապարակի մոտ, փողոցն անցնելիս «Միկա» ակումբի պատանեկան կազմի խաղացող 17-ամյա Հայկ Սերժիկի Սարուխանյանին վրաերթի է ենթարկել պաշտպանության նախարարության համարանիշներով «Գազ-24» մակնիշի ավտոմեքենա, որի մեջ զինվորականներ են եղել: Հայկին ծնոտի, ձեռքի եւ ոտքի վնասվածքներով տեղափոխել են հիվանդանոց, ուր վիրահատել են ծնոտը: Կվիրահատեն նաեւ ոտքը եւ ձեռքը:
Հայկը Ոսկեպար գյուղից է: Նրա ընտանիքը բնակվում է Մոսկվայում: Հայկ Սարուխանյանն այնտեղ խաղացել է «Լոկոմոտիվի» պատանեկան կազմում: Հայկի եղբայրը Միքայել Բաղդասարովի որդու ընկերն է: Մեր տվյալներով՝ վթարից հետո հիվանդանոցում նրան այցելել են «Միկայի» մարզիչները, նաեւ՝ Միքայել Բաղդասարովը:
