Նոյեմբերի 24-ին «Վարդաշեն» ՔԿՀ-ից ազատ արձակված քաղբանտարկյալ Մուշեղ Սաղաթելյանը ՀՀՇ վարչության նախագահ Արամ Մանուկյանի, «Ժողովրդական հայրենիք» կուսակցության նախագահ Պետրոս Մակեյանի, ՀՀ գլխավոր դատախազի նախկին տեղակալ Գագիկ Ջհանգիրյանի ու Հայ ազգային կոնգրեսի այլ ներկայացուցիչների ուղեկցությամբ մասնակցել է Սարյանի արձանին հարող պուրակում ամեն օր անցկացվող «քաղաքական զբոսանք» ակցիային: Հավաքվածները նրան ջերմ ծափողջույններով են դիմավորել: Սաղաթելյանը ընդդիմության ներկայացուցիչներին շնորհակալություն է հայտնել իրեն աջակցելու համար եւ հայտարարել, որ շարունակելու է անել այն, ինչ արել է մինչեւ ձերբակալվելը ու պայքարելու է իր ընկերների ազատ արձակման համար:
