Երեկ ՀՀ խորհրդարանի մուտքի մոտ հավաքվել եւ ԱԺ պատգամավորների օգնությունն էին հայցում օրերս Տավուշի մարզում տեղի ունեցած սողանքի հետեւանքով անհետ կորած 5 անձանցից երկուսի՝ եղբայրներ Մեխակ եւ Արմեն Սորսումատյանների հարազատները: Նրանք դժգոհում էին փրկարարական աշխատանքների անարդյունավետությունից եւ ակնկալում, որ օրենսդիրները պատկան մարմինների առաջ հարց բարձրացնեն մեքենայով հանդերձ, ենթադրաբար, փլուզումների տակ մնացած իրենց հարազատներին գտնելու, համար: Նրանց հետ ԱԺ ընդունարանի մոտ հանդիպեց «Ժառանգություն» խմբակցության ղեկավար Ստեփան Սաֆարյանը եւ խոստացավ անհետ կորածների հարազատների մտահոգությունը «տեղ հասցնել»:
