Հայաստանում Ֆրանսիայի դեսպան Անրի Ռենոն երեկ լրագրողների հետ հանդիպման ժամանակ հայտարարել է, թե Հայաստանը կարող է հպարտանալ 20 տարվա՝ դժվարությամբ, մրցակցության եւ հետպատերազմյան տարիների պայմաններում եղած իր ձեռքբերումներով: «Հայաստանը հաստատեց քաղաքական նոր համակարգ, որդեգրեց ժողովրդավարության նոր մշակույթ, իրականացրեց անցում դեպի շուկայական տնտեսություն, միջազգային թատերաբեմում իր տեղը զբաղեցրեց, անդամագրվեց Առեւտրի համաշխարհային կազմակերպությանը, ԵԽ անդամ դարձավ, հիմա բարելավում է հարաբերությունները Եվրամիության հետ եւ հաստատուն քայլերով առաջանում է դեպի Եվրամիություն»: