ՀՀ ոստիկանության Մասիսի քննչական բաժանմունքի պետ Կ. Քարամյանը օգոստոսի 18-ին մերժել էր քրեական գործ հարուցել Արարատի մարզի Նորաբաց գյուղի բնակիչ Մարուսյա Դանիելյանի դիմումի հիման վրա: Մ. Դանիելյանը հայտնել էր, որ մարզի ընդհանուր իրավասության դատարանի վճռով վերահաստատվել է իր եւ ամուսնու կողմից տիրապետվող՝ գյուղում գտնվող, բայց իրենց աղջկա՝ Արեւիկ Ասրիյանի անունով գրանցված հողի եւ տան սեփականության իրավունքը: Ըստ Մ. Դանիելյանի, մինչ սեփականության հարցը կվիճարկվեր դատարաններում, դուստրը իրեն մեղադրել է ծանր հանցագործության մեջ, մասնավորապես՝ խարդախության մեջ: Իբր Մ. Դանիելյանը բնակելի տանը եւ հողամասին տիրանալու համար Մասիսի կադաստրային բաժնի հետ կեղծ փաստաթղթային տեղեկությունների միջոցով տիրացել է նշվածին:
Ի դեպ, այդ կապակցությամբ նյութեր են նախապատրաստել Մասիսի ոստիկանության քննչական բաժանմունքում: Քննչականը մերժել էր եւ Մասիսի դատարանը օրեր առաջ լսեց այդ մերժման դեմ բերված Մ. Դանիելյանի հայցը:
Նոյեմբերի 15-ին Մասիսի դատավոր Թաթուլ Պողոսյանը վճռեց մերժել ոստիկանության դեմ բերված բողոքը:
Մ. Դանիելյանը բողոքարկելու է այդ վճիռը:
Կարդացեք նաև
ՌՈՒԶԱՆ ՄԻՆԱՍՅԱՆ
«Առավոտ» օրաթերթ
