«Tata Steel Chess» շախմատային գերմրցաշարի իններորդ տուրում առաջիններից մեկն ավարտված Լեւոն Արոնյան-Ֆաբիանո Կարուանա պարտիան, որում հայ գրոսմայստերը պարտության մատնեց իտալացուն, կրկին լավագույնն է ճանաչվել:
Մեր շախմատիստի հիմնական հակառակորդը` Մագնուս Կարլսենը պարտվեց Սերգեյ Կարյակինին, իսկ երրորդ տեղում ընթացող Թեյմուր Ռաջաբովը կես միավոր վաստակեց:
Այսպիսով, այսօր կայանալիք 10-րդ տուրից առաջ (Լեւոնը սեւերով խաղալու է Անիշ Գիրիի հետ) Լեւոն Արոնյանը 6,5 միավորով գլխավորեց մրցաշարային աղյուսակը: Նա մեկ միավորով առաջ է անցել Կարլսենից, Ռաջաբովից եւ նրանց հավասարված Վասիլի Իվանչուկից:
Աշոտ ՀԱԿՈԲՅԱՆ
