Արդյոք հայաստանյան քաղաքական դաշտի թիվ մեկ խնդիրն այսօր 100 տոկոսանոց համամասնական ընտրակարգ ունենա՞լն է, որի շուրջ կոնսոլիդացվել է ոչ միայն ողջ ընդդիմադիր դաշտը՝ «Առավոտ»-ի հարցին Աշոտ Մանուչարյանը պատասխանեց, որ Հայաստանի օրակարգում այդպիսի խնդիր չի տեսնում. «Այն, ինչ որ կատարվում է հիմա քաղաքական դաշտի կողմից, միգուցե ինչ-ինչ հանգամանքներ՝ դրական կամ բացասական, կարող են ստեղծել միայն մեկ դեպքում՝ եթե քաղաքական դաշտում ամրանան փիլիսոփայական այն դրույթները, որոնք կապված են գիշատիչ վիճակից դուրս գալու հետ: Եթե այդ դրույթները երկրորդական են, ինչն այսօր է տեղի ունենում, ապա այդ համակարգը որեւէ հնարավորություն Հայաստանի համար չի պարունակում՝ անկախ նրա ձեւից»:
«Առավոտ» օրաթերթ
