Մտավորականներն ուզում են մեծարված տեսնել Գրիգորի Հարությունյանին
Մի խումբ անվանի մտավորականներ նամակ են հղել ՀՀ նախագահ Սերժ Սարգսյանին: Նրանք խնդրում են նախագահի միջամտությամբ արժանին հատուցել պետական-քաղաքական գործիչ Գրիգորի Հարությունյանին (Արությունով):
«1937-1953թթ. խորհրդային հասարակարգի թերեւս ամենածանր փուլում Հայաստանի Հանրապետությունը ղեկավարում էր ներկայումս հանիրավի մոռացված մի վառ անհատականություն՝ Գրիգորի Հարությունյանը: Դժվար է գերագնահատել նրա վաստակը մեր երկրի զարգացման գործում, բայց զարմանալիորեն մինչ օրս նրա հիշատակը չի հավերժացվել, ո՛չ հուշարձան է կանգնեցվել, ո՛չ էլ փողոց անվանակոչվել»,- գրված է նամակում, որի տակ ստորագրել են կոմպոզիտորներ Էդվարդ Միրզոյանը, Ալեքսանդր Հարությունյանը, Ռոբերտ Ամիրխանյանը, ԽՍՀՄ ժողովրդական դերասան Սոս Սարգսյանը, ԽՍՀՄ ժողովրդական ճարտարապետ Ջիմ Թորոսյանը, ՀՀ ԳԱԱ նախագահ Ռադիկ Մարտիրոսյանը, ՀԳՄ նախագահ Լեւոն Անանյանը, Հայաստանի ճարտարապետների միության նախագահ Մկրտիչ Մինասյանը, արվեստաբան, պրոֆեսոր Արաքսի Սարյանը, Գրականության ինստիտուտի տնօրեն Ավիկ Իսահակյանը եւ գրող, հայ ժողովրդի բարեկամ Կիմ Բակշին:
«Առավոտ» օրաթերթ
Կարդացեք նաև
