Փոխոստիկանապետ Հունան Պողոսյանն այսօր ասաց, որ ոստիկանությունը ՀԱԿ պատգամավորի թեկնածու Գայանե Առուստամյանի հաղորդման հիման վրա քրեական գործ է հարուցել: Հիշեցնենք՝ տիկին Առուստամյանը Րաֆֆու փողոցի թիվ 27/7 հասցեում գտնվող ՀԱԿ նախընտրական շտաբում հաղորդում էր տվել, որ ժամը 18.40-ի սահմաններում, Սվաճյան փողոցի թիվ 44 շենքի առաջին հարկի շքամուտքում մի խումբ անծանոթ երիտասարդներ ծեծի են ենթարկել իրեն և ՀԱԿ համամասնական ցուցակով պատգամավորության թեկնածու Բաբկեն Գարոյանին՝ պատճառելով վնասվածքներ: «Առողջությանը թեթեւ մարմնական վնասվածք պատճառելու հատկանիշներով, գործը ուղարկվել է նախաքննության: Տիկին Առուստամյանին, այսպես ասած, ծեծի է ենթարկել Վարդան Վարդանյանը, որը «Արփի» համատիրության նախագահն է»,- ասաց պարոն Հունանյանը:
Արփինե ՍԻՄՈՆՅԱՆ
