«Ադրբեջանի եւ Հայաստանի իշխանությունները Ղարաբաղի հարցում փոխադարձ շահեր ունեն»,- համոզված է «Ժողովրդավարական հայրենիք» կուսակցության նախագահ Պետրոս Մակեյանը:
Վերջին օրերին հայկական դիրքերի վրա ադրբեջանական հարձակումներն էլ, Aravot.am-ի հետ զրույցում, պարոն Մակեյանը պայմանավորեց հենց երկու երկրների ընդհանուր շահերով. «Ներքին հասարակությանը ապակողմնորոշելու, հայրենասիրության, հողային կորուստների եւ այլ առումներով երկուսի շահերը համընկնում են: Եվ պարբերաբար, ըստ իրենց շահերի՝ կամ Ադրբեջանի կամ Հայաստանի շահերից դուրս գալով, իրենց դիվերսիոն կամ պրովոկացիոն քայլերն անում են: Ե՛վ Հայաստանի իշխանությունները ե՛ւ Ադրբեջանի խանությունը հասկանում են՝ իրենցից ոչ մի բան կախված չէ»:
Ըստ նրա, հակամարտության վերջնական լուծումը Ռուսաստան-ԱՄՆ գործոնն է. «Իսկ մնացած էպիզոդները, որ զոհեր են լինում, ո՛չ Հայաստանի , ո՛չ Ադրբեջանի իշխանությունների համար էական չէ: Հիմնականը, որ գործընթացը գնում է իրենց իշխանությունը պահելու, իշխանությունը երկարաձգելու , եւ Ղարաբաղի հարցի կրակը վառ պահելու գործոնը իրենց փող աշխատելու, իշխանությունը պահելու միջոց է»:
Պարոն Մակեյանն այն կարծիքին է, որ ադրբեջանական հարձակումներն առաջիկայում էլ կշարունակվեն, որովհետեւ ադրբեջանցիները հասկացել են՝ Հայաստանում վիճակը վիճակ չէ. «Եթե Հայաստանը դնի ժողովրդավարական պետության հիմքերը, այդ դեպքում սադրանքները մինիմալի կհասնեն»:
Կարդացեք նաև
Արփինե ՍԻՄՈՆՅԱՆ
