Չորս ժամվա ընթացքում դատարանն այսօր ուսումնասիրեց ՀԱԿ երիտասարդ ակտիվիստների դեմ հարուցված քրեական գործում առկա բոլոր ապացույցները։
Երիտասարդները մեղադրվում են 2011 թ. օգոստոսի 9-ին Կարապի լճի շրջակայքում ոստիկաններին հետ բախվելու եւ նրանց ծեծի ենթարկելու մեջ։
Մեղադրական եզրակացության մեջ տեղ են գտել ոստիկանների մարմնական վնասվածքների վերաբերյալ արձանագրությունները, մինչդեռ ակտիվիստների ստացած վնասվածքների մասին ոչ մի խոսք չկա:
ՀԱԿ ակտիվիստների փաստաբան Ստեփան Ոսկանյանը միջնորդեց գործի նյութերին կցել իր պաշտպանյալների նկատմամբ կատարված բռնությունների արձանագրությունները:
Կարդացեք նաև
«Այն, որ նրանց նկատմամբ տեղի են ունեցել բռնարարքներ, նրանց կամքին հակառակ անօրինական գործողություններ։ Նրանց նկատմամբ կիրառվել է բռնի ուժ, դա, իհարկե, փաստվեց տեսագրություններով»,-ասաց նա։
Դեպքի վերաբերյալ դատարանում հրապարակված տեսանյութը դիտելուց հետո ամբաստանյալի աթոռին հայտնված Դավիթ Քիրամիջյանը հայտարարեց. «Կադրերը մոնտաժված էին»։
Մանրամասն՝ կարդացեք այստեղ
