Ծանրամարտի Հայաստանի տղամարդկանց եւ կանանց օլիմպիական հավաքականներն այս օրերին ուսումնամարզական վերջին արտագնա հավաքն են անցկացնում, որը կավարտեն երկու օրից եւ այնտեղից էլ կմեկնեն Լոնդոն: Նրանց հետ չէ միայն 69 կգ քաշային Առաքել Միրզոյանը: Նա իր հոր եւ անձնական մարզիչ, օլիմպիական չեմպիոն Հոկսեն Միրզոյանի հետ ավանդույթի համաձայն անհատական ծրագրով մարզվում է առանձին եւ Երեւանից մեկնելու է նույն օրը՝ այն հաշվարկով, որպեսզի Լոնդոնում անմիջապես միանա հավաքականի իր թիմակիցներին:
Այսօր «Aravot.am»-ի հետ հարցազրույցում Առաքելը տեղեկացրեց, որ ամեն բան ընթանում է ըստ ծրագրի, որ մարզավիճակը լավ է եւ որ Լոնդոնում մտադիր է պայքարել ամենաբարձր տեղերի համար: Հիշեցնենք, որ հայ ծանրորդներից օլիմպիական խաղերում առաջինը պայքարի մեջ ներգրավվելու է հենց Առաքելը: Նրա մրցելույթին կարելի է ուղիղ հեռարձակմամբ հետեւել հուլիսի 31-ի երեկոյան՝ Հանրային Հետուստատեսության եթերում
Աշոտ ՀԱԿՈԲՅԱՆ
