Այսօր Կալինինգրադում ավարտվում է բռնցքամարտի Եվրոպայի 18-22 տարեկանների առաջնությունը, որի եզրափակչում այդ տարիքային խմբի Եվրոպայի չեմպիոնի կոչման համար մենամարտելու են Հայաստանի ներկայացուցիչներ՝ 49 կգ քաշային Կորյուն Սողոմոնյանը եւ 56 կգ քաշային Արամ Ավագյանը: Կորյունի մրցակիցը իռլանդացի Հագ Մաերսն է, Արամինը՝ ռուսաստանցի Վլադիմիր Նիկիտինը: Մեր հանրապետության երրորդ ներկայացուցիչը՝ 52 կգ քաշային Նարեկ Աբգարյանը նվաճել է բրոնզե մեդալ:
Ոսկե մեդալի համար այսօր ռինգ մտնելու են մեր եւս երկու հայրենակիցներ՝ Ռուսաստանի դրոշի ներքո հանդես եկող Ավագ Ուզլյանը (64) եւ Ուկրաինայի մարզական դրոշի պատիվը պաշտպանող 91 կգ քաշային Գեւորգ Մանուկյանը: Ընդորում, բրոնզե մեդալ է նվաճել նաեւ Արայիկ Մարությանը (Գերմանիա):
Աշոտ ՀԱԿՈԲՅԱՆ
