Թուրքիան չի մասնակցել Իրաքյան պատերազմին, քանի որ Իրաքի քրդերը չէին ուզում, որ այնտեղ թուրքական զորամիավորումներ լինեին, ասել է Թուրքիայի վարչապետ Ռեջեփ Թայիփ Էրդողանը «Տէ Էռ Տէ» հեռուստաընկերությանը տված հարցազրույցում: Գրում է «Հյուրիեթ դեյլի նյուզ» թերթը:
Էրդողանն ասել է, որ ԱՄՆ այն ժամանակվա նախագահ Ջորջ Բուշը հակված էր 2003թ. պատերազմի ժամանակ թուրքական բանակի աջակցությունը ստանալուն, հետո սակայն հեռախոսազրույցով ասել է, որ չնայած պատերազմին միանալու խորհրդարանի 2-րդ հուշագրի ընդունմանը, հրաժարվել է պատերազմում Թուրքիայի օժանդակությունը ստանալու մտքից` Թուրքիայի ընդդիմադիր հասարակական կարծիքի պատճառով:
«Իրականում հյուսիսային Իրանի մեր եղբայրներն էին, ովքեր չէին ուզում, որ մենք այնտեղ լինեինք», – ասել է Էրդողանը, – «Մենք չենք գնում այնտեղ, որտեղ որ նրանք չեն ուզում մեզ տեսնել»:
Պատրաստեց Հովհաննես ԻՇԽԱՆՅԱՆԸ
