«Ես կպատասխանեմ հիմա Ռուբեն Թովմասյանին, որ այդ մարդը, որը մինչեւ 99 թիվը ընդհանրապես չի եղել Կոմունիստական կուսակցությունում, մոտիկ չեն թողել` որպես կաշառակեր, մենք իր մասին չենք էլ իմացել: Ինքը եղել է ամենաթույլ շրջանային կազմակերպության ղեկավար` իշխանության ժամանակ: Եվ այդ մարդը գալիս է իշխանության գլուխ` պառակտելով ամբողջ կոմունիստական կուսակցությունը, եւ հիմա նույն գործունեությունը շարունակում է: Ոչ թե պառակտում է, այլ` վսյո, պրծավ այդ կուսակցությունը` իր շնորհիվ, իր պատճառով: Եվ այդ մարդը թույլ է տալիս իրեն ավելորդ ելույթներ ունենալ եւ ասել, որ ռոզիսկի տակ եմ: Ինքը ժողովրդի կողմից ռոզիսկի տակ լինելու է 100 տոկոս, որ վերջնական ուզում է խփի Կոմունիստական գաղափարախոսության դագաղի մեխը»,- այսօր Aravot.am-ի հետ զրույցում նախագահի արդեն նախկին թեկնածու Ռոբերտ Ահարոնյանն այսպես պատասխանեց Կոմկուսի ղեկավար Ռուբեն Թովմասյանի քննադատությանը:
Հիշեցնենք, որ վերջինս ասել էր, որ Լենինը հենց Ռոբերտ Ահարոնյանի նմաններին է համարել «քաղաքական պոռնիկ»:
Նախագահի թեկնածությունն առաջադրած եւ ընտրապայքարից դուրս եկած թեկնածուն վստահեցրեց, որ ռոզիսկի տակ երբեք չի եղել: Թե ինչ հիմք է ունեցել Ռուբեն Թովմասյանը` Ահարոնյանի խոսքերով` «միգուցե ինքն է ինձ ման եկել, չի կարողացել գտնել»:
Հարցին` ձեզ գտնելը հանրապետությունում այդքան դժվա՞ր է` նա պատասխանեց. «Չէ, մեր գրասենյակները հենց իրար կողք են: Ուղղակի մի մարդու խոսակցություն է, չգիտի ինչ ասի»:
Կարդացեք նաև
Նա հորդորեց Ռուբեն Թովմասյանին իր տեղը զիջել երիտասարդներին, քանի որ, ըստ նրա, Կոմկուսում կան լավ երիտասարդ ուժեր:
Հռիփսիմե ՋԵԲԵՋՅԱՆ
