Նրանց կարծիքով՝ նախընտրական Հայաստանում ամերիկյան ազդեցությունը մեծ է:
Եվրոպայի խորհրդի խորհրդարանական վեհաժողովի ձմեռային նստաշրջանի բացման խոսքում ԵԽԽՎ գլխավոր քարտուղար Ժան Կլոդ Մինյոնը անդրադարձավ ՀՀ-ում տեղի ունենալիք նախագահական ընտրություններին և հույս հայտնեց, որ հայաստանյան սպասվող նախագահական ընտրությունները լավագույնն են լինելու:
Նիդերլանդների պատվիրակ Թինի Քոքսը շնորհակալություն հայտնեց իր գործընկերներին, որոնք Հայաստանում և Մոնակոյում նախընտրական վիճակի դիտորդական առաքելություններ են իրականացրել: Այնուհետև խոսելով առաջիկայում ՀՀ նախագահական ընտրություններին դիտորդական առաքելության աշխատանքներին, նա նշեց, որ ԵԽԽՎ դիտորդներին ուղղված նվերների արժեքը չպետք է գերազանցի 200 եվրոն՝ ըստ նոր կարգի: Դառնալով իր գործընկերներին՝ նա նշեց, թե եթե նվերներ չստանան էլ, պետք չէ տխրել, քանի որ իրենց կառավարությունները վճարում են դիտորդական առաքելությունների համար:
Ֆրանսիայի պատվիրակ Իվ Պոզզո Դի Բորգոն էլ խոսեց դիտորդական տարբեր առաքելությունների ներկայացուցիչների միջև ոչ նորմալ հարաբերությունների մասին: Մասնավորապես նա նկատեց, որ ԵԱՀԿ/ԺՄԻԳ-ի և ԵԽԽՎ-ի դիտորդների միջև համագործակցությունն ընդհանրապես բացակայում է: Նա նաև հավելեց, որ ԵԱՀԿ-ի դիտորդական առաքելություններում նկատվում է ամերիկյան ազդեցությունը, ինչին բավականին մեծ տեղ են տալիս Հայաստանում:
Կարդացեք նաև
Տաթև ՀԱՐՈՒԹՅՈՒՆՅԱՆ
