1995թ. գարնանը, 31-ամյա դերասանուհի Մերի ՄաքԴոնալդ Քերրը (լուսանկարում), որը մոտ քսան տարի խաղացել էր Չիկագոյի թատրոններում, առաջին անգամ ներկայացավ Միլուոկիի թատրոնում: Գրում է «Ջորնալ սենթինել» պարբերականը՝ անդրադառնալով հայերի մասին ներկայացմանը:
Դերասանուհին խաղում էր Ռիչարդ Կալինոսկիի այն ժամանակ անհայտ «Հրեշը լուսնի վրա» ներկայացման մեջ, որտեղ Ցեղասպանությունից փրկված, որբացած Արամն ու Սեդան 1920-ականներին փորձում են նոր կյանք սկսել Միլուոկիում:
Այս քսան տարիների ընթացքում Քերրը դարձավ Միլուոկիի լավագույն դերասանուհիներից մեկը, ինչպես նաև ցույց տվեց իր տաղանդը որպես բեմադրիչ, իսկ «Հրեշը լուսնի վրա» ներկայացումը նույն ժամանակահատվածում բազմաթիվ մրցանակների արժանացավ և թարգմանվեց 12 լեզուներով, հիմա այն բեմադրվում է ամբողջ աշխարհում: Այս շաբաթ «Հրեշ»-ը վերադառնում է Միլուոկի Քերրի բեմադրությամբ:
«Ես շատ հուզված եմ, որ կրկին ընդգրկված եմ այս ներկայացման աշխատանքներում», – ասել է Քերրը, – «Ես այլևս երբեք չէի կարող Սեդայի դերը խաղալ, այնպես որ այս ներկայացումը բեմադրելը կրկին նրա մեջ լինելու միակ միջոցն էր»:
Պատրաստեց Հովհաննես ԻՇԽԱՆՅԱՆԸ
