2026 թվականի նոյեմբերի 3-5-ը Նիդերլանդներում անցկացված International Floriculture Trade Fair (IFTF) միջազգային ցուցահանդեսին առաջին անգամ մասնակցել են հայկական կտրված ծաղիկներ արտադրող չորս ընկերություն՝ Armenia Rose, Green House, Miss Rose եւ Rose Art։
IFTF-ը ծաղկաբուծության ոլորտի առաջատար միջազգային հարթակներից է, որը մեկտեղում է աշխարհի տարբեր երկրների արտադրողներին, արտահանողներին, գնորդներին եւ ոլորտի մասնագետներին։
«Սա կարեւոր հանգրվան է Հայաստանի ծաղկաբուծության ոլորտի համար», – ասվում է Հայաստանում ԵՄ պատվիրակության ֆեյսբուքյան գրառման մեջ։ «Առաջին անգամ այսպիսի հարթակում ներկայանալը պարզապես արտադրանքը ցուցադրելու հնարավորություն չէ։ Այն հնարավորություն է՝ միջազգային գնորդներին ներկայացնելու հայկական ծաղիկների որակն ու ներուժը, հաստատելու նոր գործարար կապեր, ծանոթանալու շուկայի միտումներին եւ միջազգային պահանջներին, ինչպես նաեւ բացահայտելու արտահանման նոր հնարավորություններ»։
Ընկերությունների միջազգային ներկայությունն ընդլայնելու այս հնարավորությունն առաջացել է Միջազգային առեւտրի կենտրոնի (ITC) կողմից Եվրոպական միության ֆինանսավորմամբ իրականացվող «Հագուստի եւ ագրոբիզնեսի կայուն արժեքաշղթաների կառուցում Հայաստանում» ծրագրի շրջանակում։
Կարդացեք նաև
EU NEIGHBOURS east
