ՀԱԿ պատգամավոր Արամ Մանուկյանն այսօր խորհրդարանական հայտարարությունների ժամին խոսեց արտագաղթի տեմպերից`ներկայացնելով սեփական վերլուծությունը, որոնց տվյալները ստացել է տարբեր գերատեսչություններից: Ըստ այդմ, օրական նվազագույնը 500 հոգին արտագաղթում է. «Ամսական քսան հազար է կազմում, եթե դրանցից կեսն էլ ետ չգան`տասը հազար է կազմում: Սա իշխանությունների չկամության, չհասկանալու հարց է: Խելքի եկեք ժողովուրդ, էսպես չի կարելի»,- այսպիսի կոչով նա դիմեց իշխանություններին:
Ըստ ՀԱԿ պատգամավորի, արտագաղթի նոր փուլը սկսվեց նախագահական ընտրություններից հետո եւ ծավալվեց ինագուրացիայից հետո:
Իր ասածն ավելի տպավորիչ դարձնելու համար Մանուկյանը հիշեց իր եւ Վահագն Խաչատրյանի`Թբիլիսի մեկնելիս, սահմանին ականատես եղած ահավոր տեսարանը. «Երեքհարյուր-չորսհարյուր հոգի, տասը-տասնհինգ ավտոբուս: Գնում են ընտանիքներով, առայժմ առանց ընտանիքի, գնում են աշխատանք գտնելու»:
Նելլի ԳՐԻԳՈՐՅԱՆ
Կարդացեք նաև
Հիմա էլ թող ղարաբաղցին մտածի:Հայաստանցուն էլ մտածելու բան չկա: