«Հանձնաժողովի՝ ոչ իշխանական ուժերի ներկայացուցիչ անդամներն իրենց բարձրության վրա են գտնվել»,- Aravot.am-ի հետ զրույցում այսպիսի կարծիք հայտնեց ՀՅԴ Հայաստանի ԳՄ փոխներկայացուցիչ Արսեն Համբարձումյանը, որը ընտրությունների ընթացքը գնահատեց Մալաթիա-Սեբաստիա վարչական շրջանում ընտրական օրը գրանցված պատկերով:
Ա. Համբարձումյանը մասնավորապես նշեց. «Գրանցվել է մասնակցության աննախադեպ ցածր ցուցանիշ: Արվել են տարբեր տիպի խախտումներ անելու փորձեր, բայց դրանք նաեւ կանխվել են: Ուստի դրա արդյունքում հուսամ՝ լավ պատկեր կունենանք, հուսամ, որ հաշվարկի ժամանակ էլ խնդիրներ չեն առաջանա: Գոնե Մալաթիա-Սեբաստիա համայնքի կտրվածքով ես բռնության դեպքեր չեմ արձանագրել, բայց արձանագրվել են կրկնակի քվեարկության, ուրիշի փոխարեն քվեարկելու, մի քանի քվեաթերթիկով քվեարկելու դեպքեր, ընտրատեղամասի մոտ մարդկանց կուտակումներ են եղել, վստահված անձանց արգելել են գրանցամատյաններում գրանցումներ անել:
Սակայն մեր վստահված անձինք համապատասխան գրանցումներ կատարել են գրանցամատյաններում և համապատասխան ձևակերպումները տվել են»:
Կարդացեք նաև
Տաթև ՀԱՐՈՒԹՅՈՒՆՅԱՆ
