«Կերեք իրար». Անվավեր քվեաթերթիկ (Տեսանյութ)

Ավանում գտնվող թիվ 177 դպրոցում տեղակայված 1/17 ընտրատեղամասում քվեաթերթիկների հաշվարկման ժամանակ հենց սկզբից անընդհատ լսվում էր՝ «Հանրապետական, հանրապետական, հանրապետական»: Իրար հետեւից անընդհատ ՀՀԿ-ի օգտին քվեարկած քվեաթերթիկները ծրարից հանելով, հանձնաժողովի նախագահ Հակոբ Սահակյանն արձագանքեց՝ ժողովուրդը լավ ինֆորմացված է: Նույնիսկ երբ անվավեր քվեաթերթիկ գտնվեց՝ դարձյալ հանձնաժողովի նախագահը նշեց, թե կարելի է ՀՀԿ-ի օգտին դնել, քանի որ քվեաթերթիկի վրա ընտրողը բոլոր կուսակցությունների դիմաց խաչ էր դրել, իսկ ՀՀԿ-ի դիմաց՝ «պտիչկա»:

Քվեաթերթիկների հաշվարկի ընթացքում այնքան շատ քվեաթերթիկներ հանվեցին Հանրապետականի օգտին, որ հանձնաժողովի անդամներից մեկը կատակեց՝ «2-րդ տեղում ոնց որ անվավերներն են»:

Անվավերների մեջ քվեաթերթիկ կար, որի համար վիճաբանություն եղավ ՀԱԿ եւ ՀՀԿ ներկայացուցիչների միջեւ. ՀՀԿ-ի դիմաց նշումը մի փոքր ծուռ ու մուռ էր, հանրապետականները պնդում էին, որ դա վավեր է, ընտրողի ձեռքը դողացել է, իսկ ՀԱԿ ներկայացուցիչը պնդում էր, որ անվավեր է: Հանձնաժողովի նախագահը որոշեց, որ դա անվավեր է:

Կարդացեք նաև

«Իրենք, որ գնում են Տավուշ, մասնակցում ցույցերին, չգիտեմ՝ օգո՞ւտ են տալիս, թե՞ վնաս»․ Հայկ Մարությանը բացառում է ՀՀԿ-ի կամ Ռոբերտ Քոչարյանի ու նրա թիմակիցների հետ միավորվելը

• 17:00 01.05.2024

Արմեն Աշոտյան. «Հաշվի առնելով, որ Նիկոլը լայնածավալ հարձակում է իրականացնում մեր ինքնության դեմ, եկեղեցին ունի և իրացնում է իր իրավունքը պաշտպանել այն»

• 18:11 27.04.2024

Շարմազանով. «Միտինգի ենք գնում, ասում են՝ ինչի՞ են գալիս, չենք գնում` մեղադրում են. խի՞ չեք հեռացնում». «Հրապարակ»

• 10:47 25.04.2024

Ի դեպ, անվավեր քվեաթերթիկներից մեկի վրա վիրավորական խոսք կար գրված, իսկ մեկ այլ անվավերի վրա էլ գրված էր՝ «Կերեք իրար»:

Այս պահին 1/17 ընտրատեղամասում ՀՀԿ-ն առաջատար է:

Նելլի ԲԱԲԱՅԱՆ