ԱԺ-ի այս քառօրյան աչքի ընկավ ՀՀԿ-ընդդիմություն փոխադարձ վիրավորանքներով: Կառավարության ծրագիրը քննարկելու փոխարեն միմյանց՝ «անբարոյական», «զրո», «մայրուղիում մեքենա կանգնացնող» եւ նման որակումներ սկսեցին տալ պատգամավորները:
Aravot.am-ի հետ զրույցում ԱԺ փոխխոսնակ Էդուարդ Շարմազանովը հարցին, թե ինչքանո՞վ է կոռեկտ նման արտահայտությունները՝ պատասխանեց. «Դա բնականաբար պառլամենտական բառապաշար չի: Իհարկե, ցանկալի է, որպեսզի կանայք եւ տղամարդիկ, ընդդիմությունը եւ իշխանութունը պահեին բարոյականության եւ կոռեկտության սահմանը: Բայց բնականաբար, դա ոչ միշտ է լինում: Ինձ հետ էլ են եղել դեպքեր, երբ ես զգացմունքային հայտարարություն եմ արել, հետո ավելի սառը մտածելով՝ հասկացել եմ, որ սխալ եմ, զղջացել եմ: Իհարկե, դա նորմալ է: Հիմա այն մարդը, ով չի կարողանում ինքն իր արարքները վերագնահատել, ուրեմն էդ մարդու պրոբլեմներն իր ուղեղում են: Պետք չի շատ խիստ դատել, բայց պետք է հետեւություն անել եւ աշխատել փոխադարձ հարգանքի մթնոլորտում: Ես համոզված եմ, որ թե իշխանության, թե ընդդիմության մեջ դա ընդամենը էպիզոդ կլինի, եւ մենք ապագայում կաշխատենք կոռեկտության եւ համերաշխության սահմաններում»:
Էդուարդ Շարմազանովն ասաց, որ Հայաստանի պառլամենտը եթե համեմատենք եվրոպական պառլամենտների կամ հետխորհրդային երկրների պառլամենտների հետ, այնտեղ իրար «մորթում» են. «Փառք Աստծո, մեր մոտ էդ բարոյական կուլտուրան բավականին բարձր մակարդակի վրա է: Նմանատիպ ելույթները ընդամենը էպիզոդիկ բնույթ են կրում»:
Կարդացեք նաև
Հռիփսիմե ՋԵԲԵՋՅԱՆ
