Ուկրաինացի ժամանակակից հայտնի գրող Վասիլի Շկլյարը, խոսելով Ռադայում ներկայացված Հայոց ցեղասպանության ճանաչման օրինագծի մասին, «Անալիտիկա» լրատվականին ասել է, որ տարօրինակ է, որ այդ հարցը հիմա են բարձրացնում, դա վաղուց պետք է արված լիներ:
«Շատ ցավալի է, որ հայերի ցեղասպանությունը և Գոլոդոմորը չեն ստացել անհրաժեշտ գնահատականները: Տեղին չէ սակարկելը, երբ խոսքը նման հարցերի մասին է: Պետք է ճանաչել Հայոց ցեղասպանությունը քաղաքական շահերից անկախ»:
Հայոց ցեղասպանության ճանաչման մասին բանաձևն Ուկրաինայի Գերագույն Ռադայում գրանցվել է հունիսի 6-ին: 2254 համարի օրինագծի նախաձեռնողներն են պատգամավորներ Վիլեն Շատվորյանը և Արսեն Ավագովը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
