Հուլիսի 7-ին, ժամը 20:25-ին փրկարարներն ահազանգ են ստացել, որ Սյունիքի մարզի Կապան-Ճակատեն ավտոճանապարհի 7-րդ կմ-ին տեղի է ունեցել ճանապարհատրանսպորտային պատահար` ավտոմեքենա է ընկել ձորը: Կան տուժածներ, անհրաժեշտ է օգնություն: Դեպքի վայր է մեկնել մեկ մարտական հաշվարկ:
ՀՀ արտակարգ իրավիճակների նախարարությունը տեղեկացնում է, որ «Մերսեդես» մակնիշի 33 OO 109 պետհամարանիշով ավտոմեքենան դուրս է եկել ճանապարհի երթեւեկելի հատվածից եւ գլորվել ձորը (18-20 մ խորությամբ): Ավտոմեքենայի մեջ եղել են 5 հոգի` 2 երեխա, կին ե ամուսին, ավտոմեքենայի վարորդը: Մինչ հրշեջ-փրկարարների դեպքի վայր հասնելը` երեխաները տեղի ուժերով տեղափոխվել են Կապան քաղաքի բժշկական կենտրոն:
Ժամը 20:55-ին հրշեջ-փրկարարները ավտոմեքենայից դուրս են բերել 2 ուղեորներին ե վարորդին, որոնք տեղափոխվում են Կապան քաղաքի բժշկական կենտրոն:
Նախարարությունը խոստանում է լրացուցիչ տեղեկացնել: