Բազմաթիվ գործիչներ ու լրագրողներ բավական երկար ժամանակ ահազանգում էին, որ Հայաստանից արտագաղթ կա եւ այդ խնդիրը գնալով ավելի է խորանում։ Երբ այդ ահազանգերը ավելի հաճախակիացան, Սերժ Սարգսյանը իր մոտ 2011-ի հուլիսին խորհրդակցություն հրավիրեց ժողովրդագրական հարցերով ու ի՞նչ եք կարծում, ի՞նչ դիրքորոշում հայտնեց։ Նա տարավ-բերեց ու արտագաղթի մասին խոսակցությունները գնահատեց որպես «անհեթեթ թեզ»:
Սա էլ դեռ բավարար չէր, մի լավ նախատեց խորհրդակցության մասնակից պաշտոնյաներին, որ նրանք չեն հակադարձում արտագաղթի մասին խոսակցություններին, չեն ասում, որ տարվա առաջին կեսին մարդիկ գնում են, երկրորդ կեսին ետ են վերադառնում ու տարեկան Հայաստանից անվերադարձ հեռանում է մի 5 հազար մարդ։
Այդ հայտարարությունից կես տարի անց պարզվեց, որ ըստ պաշտոնական վիճակագրության՝ 2011-ին Հայաստանից անվերադարձ հեռացել է 49 հազար մարդ։
Այդ խորհրդակցությունից մեկ տարի անց՝ 2012-ի հուլիսին արտագաղթը «անհեթեթ թեզ» համարող Սերժ Սարգսյանը, Լոնդոնում հայ համայնքի ներկայացուցիչների հետ հանդիպման ժամանակ հայտարարեց՝ «Ասել եմ ու այսօր դարձյալ կրկնում եմ՝ եկե՛ք հայրենիք, ներդրումներ կատարեք… Աշխատատեղեր ստեղծելով՝ օգնե՛ք կանխել բոլորիս այդքան մտահոգող արտագաղթը»։
Կարդացեք նաև
Այսինքն` ստացվեց, որ «անհեթեթ թեզը» ընդամենը մեկ տարի անց դարձավ «բոլորիս մտահոգող» խնդիր։
Հայկ ԳԵՎՈՐԳՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
