Վաղը «Հրազդան» մարզադաշտում Դանիայի ընտրանու հետ աշխարհի 2014 թվականի առաջնության ընտրական փուլի հանդիպումից առաջ ֆուտբոլի Հայաստանի ազգային հավաքականի գլխավոր մարզիչ Վարդան Մինասյանը նախախաղային մամուլի ասուլիս անցկացրեց:
Խոսելով դանիացիների մասին՝ Վարդան Մինասյանն ասաց. «Դանիայի խաղերից որքան որ դիտել ենք, ներառյալ Մալթայի հետ վերջին հանդիպումն ու դրանից առաջ՝ լեհերի հետ ընկերական խաղը, նրանք իրենց խաղաոճը չեն փոխում: Նրանց մոտ ուղղվածության փոփոխություն կա. սկսել են կազմը երիտասարդացնել: Կոնկրետ Լեհաստանի եւ Մալթայի հետ հանդիպումներում 5-6 նորեկ կար: Գիտենք նրանց ուժեղ եւ թույլ կողմերը եւ նրանցից ինչ-որ անակնկալ չենք սպասում»:
Աշոտ ՀԱԿՈԲՅԱՆ
