Հնչակյան ուսանողական-երիտասարդական միությունը դիմում է Հայաստանի դատական իշխանություններին` հորդորով փոխել հայտնի դերասան Վարդան Պետրոսյանին նախնական կալանքի տակ առնելու որոշումը: Իհարկե, տեղի է ունեցել մեծագույն ողբերգություն, զոհվել են երկու պատանիներ, ինչը աններելի և անդառնալի է ցանկացած պարագայում: Սակայն, ըստ մեզ, ճիշտ չէ նաև առանց այդ էլ վատառողջ Վարդան Պետրոսյանին պահել կալանավայրում` շատ լավ հասկանալով, որ եթե նա լինի ազատության մեջ ու լիարժեք բուժում ստանա, չի խոչընդոտի նախաքննությանը, ավելին, չի հեռանա Հայաստանից, ինչի մասին ասել է նաև դերասանը: Մենք կոչ ենք անում փոխել Պետրոսյանի խափանման միջոցը, հնարավորություն տալ մեծանուն արտիստին սպասել դատավճռին կամ նախաքննության ավարտին ազատության պայմաններում: Միևնույն ժամանակ համարում ենք, որ այս գործը դուրս է քաղաքական ցանկացած քննարկումից և շահարկումից և գտնվում է զուտ իրավական և բարոյական հարթությունում:
ՍԴՀԿ «Սարգիս Տխրունի» ուսանողական-երիտասարդական միության մամլո դիւան
11.11.2013
